11 сентября 2013 г.
Иртнĕ вырсарни кун Ишлĕ ял тăрăхне кĕрекен Пăлапуç Нурăсра вилнĕ депутат вырăнне çĕнĕ халăх "тарçине" суйларĕç. Унта Совет тата Октябрь урамĕсенче пурăнакансем хутшăнчĕç. Суйлав правипе списока кĕртнĕ 56 арçынпа хĕрарăмран 43-шĕ усă курчĕ. Бюллетеньре икĕ хушамат: Елчĕк районĕнчи Кĕçĕн Шăхаль ялĕнче пурăнакан, "Кушелга" агрофирмăра директор çумĕнче ĕçлекен Каширин Владислав Егорович (ЛДПР тăратнă) тата Пăлапуç Нурăсри клуб пуçлăхĕ Юркина Зоя Фадеевна ("Единая Россия" партин вырăнти уйрăмĕ тăратнă).
Урнăна уçса шутланă хыççăн Нурăссенчен ытларахăшĕ сассине хăйсен ентешĕшĕн пани палăрнă _ Зоя Фадеевнашăн 29 суйлавçă е 67,44 процент сасăланă. Либерал-демократсен хастарĕ енне тăххăрăн тăнă. Сăмах май, Ишлĕ ял тăрăхĕн депутатсен "корпусĕнче" халĕ 13 çын.
Редакци вулакансенчен сентябрĕн 7-мĕшĕнче тухнă номерте кандидатсем пирки тĕрĕсех мар информаци панăшăн каçару ыйтать.
Источник: "Авангард" (газета Батыревского района)