29 марта 2008 г.
Тутарстан Республикинчи Альметьевск хулинче “Татнефть” уçă акционер пĕрлешĕвĕн парнисене çĕнсе илессишĕн тутарла-пушкăртла кĕрешекенсен Пĕтĕм Раççейри турнирĕ иртнĕ. Унта Раççейри 22 регион атлечĕсем хутшăннă, вăл шутра – Чăваш Республикинчен те.
Çак турнирта Шăнкăртамри “Ак-Барс” спортклуб кĕрешÿçисем аван тĕслĕх кăтартнă. Акă, 32 килограмм виçеллисем хушшинче Марат Купкенов пĕрремĕш, 39 килограмм виçеллисенчен Ильназ Чабатов иккĕмĕш вырăн йышăннă.
Ытти спортсменсем те начар мар тупăшнă.
Источник: "Авангард" (газета Батыревского района)