11 ноября 2022 г.
АЛЕКСАНДР Невский княç ячĕллĕ Патăрьелĕнчи чиркỹ настоятелĕ Алексий Федоров протоиерейпе Анастасия матушка çемье çавăрни ыран 60 çул çитет. Çак ятпа хисеплĕ мăшăра тăванĕпе, ачи-мăнукĕпе пĕрлех чиркĕве çỹрекенсем, Турра ĕненекенсем те саламлĕç, вăрăм кун-çул сунĕç, вĕсен умĕнче пуç тайĕç. Паян вĕсене ултă ачипе пĕрлех 17 мăнукĕ, 17 кĕçĕн мăнукĕ савăнтарса пурăнать. Нумай пулмасть çеç Борис (вăл та çак чиркỹрех ĕçлет) мăнукĕн çемйинче ывăл ача - Андрей - çуралнă. Çакна та палăртма кăмăллă. Çитес çул Алексий Федоров протоиерейĕн хăйне евĕр икĕ паллă: вăл 90 çул тултарать тата пачăшкăра ĕçлеме пуçлани 55 çул çитет.
Источник: "Авангард" (газета Батыревского района)