09 февраля 2021 г.
Чăваш патшалăх аграри университетĕнче республикăри районсенчи 11 классенче вĕренекен 121 ача математикăпа, биологипе, обществознанипе, физикăпа профильлĕ тест ыйтăвĕсене хуравларĕ.
Конкурс комиссийĕ вĕсенчен вуннăшне чи вăйли тесе палăртрĕ. 2021 çулхи январь-май уйăхĕсенче университет çамрăксене стипенди парса тăрĕ. Енчен те çак аслă шкула вĕренме кĕрес пулсан пĕрремĕш курсăн пĕрремĕш семестрĕнче университет стипендийĕ çумне ятарлă стипенди хушăнассине те палăртса хăвармалла.
Патăрьелĕнчи иккĕмĕш вăтам шкулăн аграри класĕнче вĕренекен Д. Метинпа В. Трифонова шăпах стипендиатсем пулчĕç те ĕнтĕ.
Конкурс комиссийĕ çавăн пекех тест ыйтăвĕсене хуравласа 80 балл ытла пуçтаракансене те палăртса хăварчĕ. В. Трифонова математикăпа шăпах çак шая çитрĕ.
А. ИВАНОВА
Источник: "Авангард" (газета Батыревского района)