25 августа 2020 г.
Патăрьелĕнчи пĕрремĕш вăтам шкултан кăçал 52 ача пурнăç çулĕ çине тухрĕ. Вĕсенчен 15-шĕ - медалистсем. ППЭ кăтартăвĕсем те савăнтараççĕ. Акă, Любовь Алексеева историпе тата обществознанипе, Гузель Югаметовăпа Юлия Рубцова обществознанипе çĕршер балл пухма пултарчĕç. Хĕрсене аслă категориллĕ вĕрентекен Н. Кошкина пĕлỹ панă.
Тăрăшуллах çав çамрăксем. Любăпа Гузель Чăваш Республикин Пуçлăхĕн стипендине те тивĕçнĕччĕ.
Кăçал алла аттестат илнисенчен кирек хăшĕн пирки те ыррине нумай калама пулать. Н. Сугутская, Д. Ульянов, А. Торговцев тата ыттисем те тулли пĕлỹ илнипе савăнтарчĕçех.
И. КУДЕРГЕ.
Источник: "Авангард" (газета Батыревского района)