25 декабря 2018 г.
ПАТĂРЬЕЛĔНЧИ иккĕмĕш вăтам шкулти вĕренекенсем савăнăçлă хыпарсемпе савăнтарсах тăраççĕ. Иртнĕ номерте кăна вĕсем пирки хаçатра çырнăччĕ, халь ак татах республикăн тĕп хулинчен çĕнтерỹпе таврăннă.
"Юнармия" отрядсен çарпа спорт вăййисенче 63 ушкăн тупăшнă. 189 çамрăк армеец граната ывăтнă, пĕчĕк калибрлă винтовкăран пенĕ, алă вăйĕпе тăлпăва çĕкленĕ тата ытти те. Патăрьелсем 256 балл пухса пĕрремĕш вырăна тухнă. Çитĕнỹ тỹпинче ачасене вĕрентсе, ăс парса пыракан В. Антипов учителĕн те тỹпи пысăк.
Источник: "Авангард" (газета Батыревского района)