14 сентября 2018 г.
Ачалăхпа çунатлă çамрăклăх вăхăчĕсем кирек камшăн та чи илемлĕ те ачаш самантсем. Ăна мĕнле тата кампа ирттерни вара пысăк пĕлтерĕшлĕ. Ку тĕлĕшпе районти централизациленĕ клуб системин ĕçченĕсем аслă çулхисен кăмăлне çеç мар, кĕçĕннисем валли те усăллă та пĕлтерĕшлĕ мероприятисем йĕркелесех тăраççĕ. Кун пек уявсем çуллахи каникул вăхăтĕнче те сахал мар пулчĕç. Акă, Пĕтĕм тĕнчери туслăх кунĕнче культурăпа кану центрĕн методисчĕсем "Мы - едины" программăпа мероприяти ирттерчĕç. Унта "Василек" ача сачĕн шăпăрланĕсемпе Патăрьелĕнчи кану скверĕнче районта пурăнакан тĕрлĕ халăхăн йăли-йĕркине аса илчĕç, выляса савăнчĕç, юрларĕç-ташларĕç, чăваш тата тутар чĕлхисемпе мастер-классем ирттерчĕç, асфальт çинче туслăх кăшăлĕсене ỹкерчĕç тата ытти те.
А.НИКОЛАЕВА
Источник: "Авангард" (газета Батыревского района)