07 августа 2018 г.
Эпир Патăрьелĕнчи Крепков тата Советски урамĕсене çыхăнтаракан К. Маркс урамĕнче пурăнатпăр. Хăй вăхăтĕнче çар ретĕнче пулнисене уявĕсемпе саламлассине йăлана кĕртрĕмĕр. Ку хутĕнче тинĕс-çар флотĕнче тивĕçне пурнăçланисене чысларăмăр. Чăн малтанах аслăраххине - Б. Табакова сăмах патăмăр. Борис Нилович хăйĕн служби çинчен каласа пачĕ.
Çамрăк моряк Д. Поляков Корея таран çитнине аса илчĕ.
Çĕршыв хуралçисене мăшăрĕсем, ашшĕ-амăшĕ, кỹршисем саламларĕç.
В. Табакова ертсе пынипе концерт та хатĕрленĕ. "Эй, моряк! Ты слишком долго плавал...", "На побывку едет", "Я морячка, ты моряк" юрăсене уçă саслисем ăста шăрантарчĕç. А. Леонтьев "Яблочко" тăсса ярсан Димитрий Владимировичпа Ирина Ивановна ташша тухрĕç.
В. ЛЕОНТЬЕВА. Оргкомитет
Источник: "Авангард" (газета Батыревского района)