20 июля 2018 г.
Хальхи вăхăтра Раççей Федерацийĕн "О ветеринарии" саккунĕпе, Раççей Федераци- йĕн Правительство 2006 çулхи майăн 26-мĕшĕнче кăларнă "Об уничтожении животных и изъятии продуктов животноводства при ликвидации очагов особо опасных болезней животных" постановленийĕпе, ЧР Министрсен Кабинечĕн 2009 çулхи майăн 14-мĕшĕнчи "О возмещении ущерба, вызванного отчуждением животных и (или) изъятием продуктов животноводства при ликвидации очагов особо опасных болезней животных на территории Чувашской Республики" постановленийĕпе тата Чăваш Республикин Министрсен Кабинечĕн 2018 çулхи июлĕн 17-мĕшĕнчи хушăвĕпе килĕшỹллĕн Патăрьел районĕнче кайăк-кĕшĕк грипне чарса лартас тĕллевпе мероприятисем ирттереççĕ.
Патăрьелĕнчи Крепков урамĕнчи 76-мĕш çуртран пуçласа 142-мĕш çурт таранччен кил хуçалăхĕнчи мĕн пур йышши кайăк-кĕшĕке пуçтарса илеççĕ. Çак тĕллевпе карантин зонинче ятарлă комисси ĕçлет. Вĕсене пуçтарса илнĕ хыççăн районти ветеринари служби ĕçченĕсем чăх-чĕп тата хур-кăвакал усранă хуралтăсене, вырăнсене дезинфекцилеççĕ. Пуçтарса илнĕ кайăк-кĕшĕке тата вĕсен продукчĕсене ветеринарипе санитари йĕркине пăхăнса утилизацилеççĕ. Çавăнпа та çак ĕçе çынсем кирлĕ пек ăнланни пысăк пĕлтерĕшлĕ.
(Хамăр корр.)
Источник: "Авангард" (газета Батыревского района)