20 апреля 2018 г.
Красноармейски районĕнче çуллахи спорт сезонĕ уçăлнă ятпа çăмăл атлетика енĕпе ăмăрту иртрĕ. Ăна Чăваш Республикин физкультурăпа спортăн тава тивĕçлĕ ĕçченне В. Иванова халалларĕç. Унта республикăри районсемпе хуласен çăмăл атлечĕсем хутшăнчĕç. Старта 200 ытла спортсмен тăчĕ.
Пирĕн район чысне ăмăртура Патăрьелĕнчи пĕрремĕш вăтам шкулта вĕренекенсем хỹтĕлерĕç. Вĕсем "Ачасемпе çамрăксен спорт шкулĕ - физкультурăпа спорт комплексĕ "Паттăр" тренерĕсем (В. Карягинпа А. Владимиров) патне çỹреççĕ.
Хăйсен ỹсĕм çулне кура ачасем 2000, 1000-шер метра чупрĕç. Дистанцисенче П. Хураськина пĕрремĕш, В. Иванова иккĕмĕш вырăнсене çĕнсе илчĕç. Е. Краснова, К. Стеклов, А. Альгизов çăмăл атлетсен кăтартăвĕсем те савăнтараççĕ.
Çĕнтерỹçĕсем медальсене, дипломсене, хаклă парнесене тивĕçрĕç.
А. ИВАНОВА
Источник: "Авангард" (газета Батыревского района)