07 марта 2018 г.
Патăрьелĕнчи агропромышленность техникумĕнче çулсерен Раççейри Ăслăлăх кунне халалласа тĕрлĕ мероприяти йĕркелеççĕ. Студентсен шухăшлавне, тавракурăмне аталантарас тĕлĕшпе наукăпа практика конференцине ирттересси те йăлана кĕнĕ. Кăçал та вĕренекенсем секцисене хутшăнса хăйсен тĕпчев ĕçĕсене хỹтĕлерĕç. Жюри членĕсем уйрăмах О. Горшкова (ертỹçи Н. За- харова), Д. Смаева (Р. Воробьева), С. Николаев (Ю. Воробьев), Н. Столбова (Т. Михеева) ĕçĕсем курăмлă та кăсăклă пулнине палăртрĕç.
Стена хаçачĕсен конкурсĕнче те мала тухакансем пулчĕç.
Вĕрентекенсем "Ăслăлăх тата пĕлỹ" ятпа йĕркеленĕ йăлана кĕмен уроксем ирттерчĕç. Математика преподавателĕн И. Алякинăн "Математика тĕрлĕ наукăра" викторина-урокĕ пурин кăмăлне те кайрĕ. Чăн-чăнах математика ытти наукăсемпе тачă çыхăннине вăрентекенпе студентсем çирĕплетсе пачĕç.
Т. ИМЕРКИНА, вĕрентекен
Источник: "Авангард" (газета Батыревского района)