22 февраля 2018 г.
Родион Соловьева асра тытса Патăрьел салин пĕвинче вакă касса пулă тытакансен турнирне ирттернĕ. Унта Патăрьел, Шăмăршă, Елчĕк тата Комсомольски районĕсенчен 50 пулăç /пурĕ 11 ушкăн/ пухăннă. Хĕрÿ тупăшура Патăрьелти «Çăткăн чĕр чунсем» команда /Станислав, Эдуард тата Максим Журавлевсем/ — 1-мĕш, Елчĕк районĕнчи «Шăла пулă» /Александр Семенов, Александра Чернова тата Борис Морозов/ — 2-мĕш, Патăрьелти «Çĕнтерÿ» /Алексей Никольский, Андрей Бабаев тата Александра Тихонова/ 3-мĕш вырăн йышăннă. Кунсăр пуçне «Чи пысăк пулă тытакан» номинацире Алексей Никольский ятарлă парнене тивĕçнĕ. Сергей Васильев «Пăра чи малтан шăтаракан» пулса тăнă. «Пулла чи малтан тытакан» тата «Чи çамрăк пулăç» номинацисенче Николай Тимофеевпа Максим Журавлев çĕнтернĕ. Райадминистраци пуçлăхĕ Рудольф Селиванов турнир çĕнтерÿçисене саламлама хутшăннă. «Спорт пĕрлештерет, ентешсене асра тытса ăмăртусем йĕркелени пире чыс кÿрет, пĕрлĕхе çирĕплетет», — тенĕ Рудольф Васильевич.
Источник: "Хыпар"