12 декабря 2017 г.
Çитес вырсарникун, раштавăн 17-мĕшĕнче, Раççейри стратегиллĕ ракета çарĕсен кунĕ. Çак уява артиллерипе ракета çарĕнче хăйсен салтак тивĕçне пурнăçланă районти ветерансем те пĕрле пуçтарăнса чыслăн паллă тума шутлаççĕ. Программăпа килĕшỹллĕн вĕсем ирхине 10 сехетре Патăрьелĕнчи "Арбат" лапамĕнче ракетчиксемпе артиллеристсен ячĕпе иртнĕ уйăхра çеç уçма ĕлкĕрнĕ монумент умне пуçтарăнĕç, палăк умĕнче пуç тайнă хыççăн вара ăшпиллĕ тĕлпулу, калаçу малалла тăсăлĕ.
Источник: "Авангард" (газета Батыревского района)