01 декабря 2017 г.
Патăрьелĕнчи иккĕмĕш вăтам шкулти пуçламăш класра вĕренекенсем Шупашкарти вырăс драма театрĕн артисчĕсем Патăрьелĕнчи культурăпа кану центрĕнче кăтартнă "Лесной дозор" юмаха пăхрĕç. Пуян содержаниллĕскер пурне те хăйĕн асамлăхĕпе тыткăнларĕ. Раççейре Экологи çулталăкĕ пулнă май, вăл çитĕнекен ăрушăн та питĕ çывăх пулчĕ. Этемĕн çут çанталăка упрамалли, хисеплемелли пирки артистсем питĕ лайăх сăнларĕç. Вĕренекенсем сăнарсене тỹрĕ çул çине "тăма" та пулăшрĕç, пĕрле савăнчĕç, пăшăрханчĕç.
О. ПЕТРОВА, Патăрьелĕнчи 2-мĕш вăтам шкул вĕрентекенĕ
Источник: "Авангард" (газета Батыревского района)