21 ноября 2017 г.
Республикăра Раççейри Экологи, Чăваш Енри Амăшĕпе Ашшĕн çулталăкне халалласа интеллектуаллă вăйăсен "Детектив агентстви" чемпионачĕ иртрĕ. Унта Патăрьелĕнчи пĕрремĕш вăтам шкултан "Батыр" кĕçĕн ушкăнсемпе (ертỹçи Е. Краснова) "Ватсан" аслăраххисем (О. Каллина) хутшăнчĕç. Командăсем хăйсен ĕçне аван çутатса пачĕç. Жюри членĕсем (Шупашкарти 20-мĕш шкулăн аслă класĕсенче вĕренекенсемпе преподавателĕсем) - РОСНАНО конкурс çĕнтерỹçисем - детектив эрудицийĕ пысăк пулнине палăртрĕç.
Конкурса хутшăнакансен те кăмăлĕ савăк пулчĕ. Вĕсене ушкăнпа ĕçлени килĕшрĕ. Пĕрле кирек хăш лару-тăруран та тухма пулать иккен. Нумай çĕннине пĕлчĕç ачасем.
"Батыр" хăйсен ушкăнĕнче финал çĕнтерỹçи пулчĕ. "Ватсан" иккĕмĕш вырăна тухрĕ.
А. ИВАНОВА
Источник: "Авангард" (газета Батыревского района)