31 октября 2017 г.
Патăрьелĕнчи централизациленĕ клуб системинче ачасен "Мини мисс Патăрьел" конкурсĕ иртрĕ. Унта саккăрăн хутшăнчĕç. Кашнийĕ чипер, илĕртỹллĕ, пултаруллă, анлă тавракурăмлă, ăста. Кун пирки жюри председателĕ, Патăрьел ял тăрăхĕн пуçлăхĕ Н. Ялуков та çирĕплетсех каларĕ. Уявран уяв туса пачĕç конкурсантсем. Кашнийĕшне тус-юлташĕ пулăшса пычĕ. Залри халăх та хавхалантарчĕ.
"Мини мисс" ята Нăрваш Шăхалĕнчи Е. Чербунова тивĕçрĕ. Çавăн пекех конкурсантсене тĕрлĕ номинацире чысларĕç. Онлайн сасăлавпа Хирти Пикшикри И. Камалетдинова палăрчĕ. В. Арланова режиссер çакнашкал конкурса малашне те ирттерме пулнине çирĕплетсех каларĕ.
Источник: "Авангард" (газета Батыревского района)