27 октября 2017 г.
Паянхи ачасем тавракурăмĕнчен, пултарулăхĕнчен тĕлĕнмелли çеç юлать. Вĕсем район, республика, Раççей шайĕнчи тупăшусене хутшăнаççĕ, çĕнтереççĕ. РФ Президенчĕ В. Путин пулăшнипе йĕркеленĕ Пĕтĕм Раççейри "Аслă Çĕнтерỹ геройĕсем" конкурса Патăрьелĕнчи пĕрремĕш вăтам шкулти пиллĕкмĕш класра вĕренекен Е. Лепешкина хăй çырнă "Мăн асаттене" сăввине тăратнă. Вăл финала тухма пултарнă. Унăн хайлавĕ Пĕтĕм Раççейри çамрăк талантсен виçĕ пуххинче те пичетленнĕ.
Çамрăк сăвăçа ăнăçусем тата чунран тухакан йĕркесене малалла та çырма хавхалану сунас килет.
Источник: "Авангард" (газета Батыревского района)