25 апреля 2017 г.
Районта пултаруллă та матур хĕрсемпе яшсем çитĕнни савăнтарать. Юхмапа Пăла тăрăхĕн малашлăхĕ лайăх, экономики тĕреклĕ пуласса шанас килет. Хăть мĕн тесен те пуласлăх çамрăксен аллинче-çке!
Патăрьелĕнчи пĕрремĕш вăтам шкулти 11 класра ăс пухакан Ника Андреева кĕçĕн класранпах вĕренỹре "5" паллăсемпе ĕлкĕрсе пырать. Учительсемпе юлташĕсем те вăл тăрăшуллă, анлă тавракурăмлă, ырă кăмăллă хĕр пулнине палăртаççĕ. Хăйĕн пĕлĕвне çамрăк пике район, республика, Раççей шайĕнчи олимпиадăсемпе конкурссене хутшăнса тĕрĕслет. Темиçе хутчен те "Эпĕ _ Раççей гражданинĕ" право марафонĕн, "Манăн инициатива" республика конкурсĕн çĕнтерỹçи пулнă. "Наука. Пултарулăх. Аталану" регионти конференцин виççĕмĕш степеньлĕ лауреачĕ. 2016 çулта "Раççейри фармацевтсен шкулĕ" регионсем хушшинчи конкурсĕнче мала тухнă. Çавăн пекех Ника "Кенгуру", "Русский медвежонок", "Британский бульдог", "Золотое руно" конкурссенче пысăк балл пухать.
Н. Андреева _ шкулти аслă классен канашĕн председателĕ, "Патриот" çарпа патриот клубĕн членĕ. "Зарница" тата "Орленок" çар вăййисенче те ăна курма пулать. У
роксем хыççăн та Ника пушă тăмасть. Вăл 2012 çултанпа волонтер. Маларах Патăрьелĕнчи искусство шкулĕн ташă уйрăмне пĕтернĕ. "Евгения" ташă ушкăнĕпе районти, республикăри конкурссенче пĕрре мар малти вырăнсене йышăннă.
Пултаруллă хĕр спортра та çитĕнỹсем тăвать. Вăл волейболла выляма питĕ юратать.
Ника Андреева район администраци пуçлăхĕ тата Чăваш Республикин Пуçлăхĕ талантлă, тăрăшуллă çамрăксене паракан стипендине те тивĕçнĕ. Пĕлтĕр вара вăл Раççей Федерацийĕн Президенчĕн премине илнĕ.
Чи çывăх çыннисемпе юлташĕсем Никăн çитĕнĕвĕсемпе савăнаççĕ, пĕрле вĕренекенсем тата кĕçĕнрех класра ăс пухакансем унран тĕслĕх илеççĕ.
О. ПАВЛОВА
Источник: "Авангард" (газета Батыревского района)