11 апреля 2017 г.
Пуçласа Космонавтика кунне 1962 çулта, Юрий Гагарин çĕр чăмăрĕ тавра космос карапĕпе çаврăннăранпа çулталăк çитнĕ хыççăн паллă тума пуçăннă. Вĕçев 1961 çулхи апрелĕн 12-мĕшĕнче пулнă. Сывлăшра çĕр минута тăсăлнă çул çỹрев истори страницине çырăнса юлнă. Район пуçлăхĕ М. Петров, район администраци пуçлăхĕ Р. Селиванов пурне те уяв ячĕпе саламлаççĕ.
Патăрьелĕнчи иккĕмĕш вăтам шкулăн 6 класĕнче вĕренекенсем Ульяновск хулинче экскурсире пулчĕç. А. Софронов класс ертỹçипе О. Жукова педагог-психолог илсе тухрĕç вĕсене çула. Ушкăнпа кайма хаваслă та иккен. Ачасем малтанах гражданла авиаци тĕп отраслĕн историне çутатакан музея кĕрсе курчĕç. Экскурсовочĕ те кăмăла тивĕçтерекенни пулчĕ. Авиаци офицерĕ, çар пилочĕ интереслине нумай каласа пачĕ. Вăлах пĕрремĕш вĕçевсене, чапа тухнă самолетсене аса илчĕ.
ТУ-134 самолет штурвалĕ умне кашнийĕ ларса курма пултарчĕ.
"Улет" аквапаркра пулни те килĕшрĕ.
А. АНТИПОВ
Источник: "Авангард" (газета Батыревского района)