31 марта 2017 г.
"Çулсем иртнине сисмерĕмĕр те _ пенсине те кайрăмăр", _ хак пачĕç хăйсен иртнĕ кун-çулне Юрий Александровичпа Нина Васильевна Осиповсем. Патăрьелĕнче хĕле ăсатнă кун мăшăра ик- кĕшне те ял тăрăх пуçлăхĕ Николай Ялуковпа район администраци пуçлăхĕн пĕрремĕш çумĕ Марат Айзатуллов "Ĕç ветеранĕ" удостоверени пачĕç. Чăнах та, сăн-сăпатран иккĕшне те пенсионер тесе калаймăн, çамрăк курăнаççĕ. Иккĕшĕ те Патăрьелĕнче пĕр урамрах çуралса ỹснĕ, ачаранпах пĕр-пĕрне пĕлсе ỹснĕскерсем, 1983 çулта пĕрлешсе çемье çавăрнă.
Юрий Александрович шкул хыççăн тракториста вĕреннĕ. Аллине аттестат илнĕ хыççăн тăван колхозра ĕçленĕ. 1976 çулта салтака кайнă _ Сыктывкарта службăра пулнă. Ун хыççăн мĕн тивĕçлĕ канăва кайичченех хурçă "ута" пăрахман. Çуркуннепе кĕркунне ака-суха тунă. Самана ылмашиччен хĕлĕпе вăрман турттарнă. Ỹркенмен, маттур ĕçчене пуçлăхсем те хавхалантарсах тăнă. Çакна Юрий Александровичăн Хисеп хучĕсемпе наградисем те çирĕплетеççĕ. 2015 çулта вăл "Чăваш Республикин тава тивĕçлĕ механизаторĕ" ята тивĕçнĕ. Пурнăç илемлĕ _ енчен те çемьере килĕшỹ хуçалансан. Вăл вара Осиповсен малти вырăнта. Мăшăрĕ Нина Васильевна та çамрăклах ĕçпе пиçĕхнĕ. Патăрьелĕнчи 2-мĕш вăтам шкул хыççăн стройкăра вăй хунă, каярахпа вара районти тĕп больницăна санитаркăна вырнаçать. Халĕ те çак ĕçрех тăрăшать. Ял çынни ĕçсĕр лармасть. Осиповсем те выльăх-чĕрлĕхне, кайăк-кĕшĕкне ỹстереççĕ. Мăшăр пĕр ывăл çи- тĕнтернĕ, икĕ мăнукпа савăнса пурăнаççĕ.
Н. МАЗЯКОВА.
Источник: "Авангард" (газета Батыревского района)