28 марта 2017 г.
Кукеçре республикăри алă вăй виçекенсен уçă турнирĕ иртрĕ. Унта 180 ытла спортсмен хутшăнчĕ. Ăмăрту спортпа туслă чылай çамрăка пуçтарчĕ.
Йăлана кĕнĕ евĕр турнира Юхма Ен спортсменĕсем те хастар хутшăнчĕç. Патăрьелĕнчи пĕрремĕш вăтам шкулта вĕренекен Алина Кдрасова, Адилия Тухфетуллова, Карина Краснова шкул чысне хỹтĕлерĕç.
Карина 50 килограмм виçе категорийĕнче хĕрсем хушшинче пĕрремĕш вырăн йышăнма пултарчĕ, спорт мастерĕн кандидат нормине пурнăçларĕ.
Ачасен çитĕнĕвĕсем çав тери савăнтараççĕ, кăмăла çĕклеççĕ. А. Владимировпа В. Портнов физкультура учителĕсем вĕсене пысăк кăтартусем тума вĕрентсе пыраççĕ.
А. ТОРГОВЦЕВ, чăваш чĕлхипе литературине вĕрентекен
Источник: "Авангард" (газета Батыревского района)