07 марта 2017 г.
Районти тĕп больницăра ача-пăчапа врач патне йышăнăва кĕмелли кабинетсем уйрăм çуртра вырнаçнă. Çавăнпа та унта амăшĕсемпе çитĕнекен ăру çеç ытларах хĕвĕшет.
О. Ялукова педиатр йывăр шăпаллă çемьерен килнĕ йышăнăва кĕнĕ ачапа чылай калаçрĕ. Сывлăха çамрăкран упрама кирлине палăртрĕ. Тĕреклĕ хул-çумăрлă ỹсекенсем çеç çĕршыв хуралне тăма тивĕçлине ăнлантарчĕ.
Ольга Николаевна районти тĕп больницăна Чăваш патшалăх университечĕн медицина факультетĕнче пĕлỹ пухса пĕр çул интернатура ирттернĕ хыççăн килнĕ. Вăхăчĕ нумаях иртмен пулсан та тухтăр пациентсемпе пĕр чĕлхе тупать. Çакăншăн мала хурать ăна ачасен ашшĕ- амăшĕ. Коллективра та ят-сума хăйĕн ĕçĕпе çĕнсе илме пултарчĕ тухтăр. Ĕçтешĕсем ăна яваплăха туйнăшăн, хушнине çийĕнчех пурнăçлама тăрăшнăшăн, обществăлла пурнăçа хастар хутшăннăшăн хисеплеççĕ.
Професси ăсталăхне те ỹстерсе пыма тăрăшать О. Ялукова. 2012, 2014 çулсенче икшер, виçĕмçулпа пĕлтĕр пĕрер хутчен квалификацине ỹстермелли курссенче пулчĕ.
Çамрăк специалистăн ĕçĕ те курăмлă. 2015 çулта вăл район администрацийĕн Хисеп грамотине тивĕçрĕ. Çак çулах "Сывлăх сыхлавĕн чи лайăх çамрăк ĕçченĕ" конкурс çĕнтерỹçи пулчĕ. Кăçал вара Республика Пуçлăхĕн çамрăксен творчествăри ăнтăлуне, çитĕнĕвне кура паракан стипендине илме пикенчĕ
. А. АСТРАХАНЦЕВА
Источник: "Авангард" (газета Батыревского района)