28 февраля 2017 г.
Патăрьелĕнчи агропромышленность техникумĕнче 2016-2017 вĕренỹ çулĕнче 7 инвалид пĕлỹ пухать. Ытти ачасенчен нихăш енĕпе те кая мар вĕренеççĕ. Вĕсен тăрăшуллăхĕ те савăнтарать. Акă, иккĕмĕш курс- ри В. Егоров республикăри ăмăртăва хутшăнса поварсем хушшинче çĕнтерỹçĕсен ретне кĕчĕ.
_ Сусăрсем патне тимлĕх пысăк пирĕн патăрта. Техникума пуçласа килекен студентсене класс ертỹçисем, мастерсем, социаллă педагогсем кирлĕ канашсем сахал мар параççĕ. Вĕсене апатлантарасси те тỹлевсĕр. Пурăнмалли условисемпе те тивĕçтеретпĕр. Стипенди те пĕчĕк мар çамрăксен,_ паллаштарать професси пĕлĕвне ял условийĕнче илекен каччăсемпе хĕрсен пурнăçĕпе техникум директорĕн вĕрентỹ енĕпе ĕçлекен çумĕ А. Куданова.
Администраци алла диплом илнĕ инвалидсен малашлăх пурнăçĕпе те интересленет. Вĕсем пурнăç çулĕ çине йĕркеллĕ тăрса кайччăр тесе Патăрьелĕнчи ĕçе вырнаçтаракан центрпа çыхăнура тăрать. Ун урлă ĕç вакансийĕсем пурри пирки ыйтса пĕлет. Выпускниксене кирлĕ сĕнỹсем парать.
Источник: "Авангард" (газета Батыревского района)