13 декабря 2016 г.
Патăрьелĕнчи иккĕмĕш вăтам шкулта ачасене патриотла воспитани парас енĕпе тĕрлĕ мероприяти иртет. Çитĕнекен ăру "Зарница", "Орленок" вăйăсене, пăшалтан перес енĕпе йĕркеленĕ ăмăртăва, "Айтăр-ха, каччăсем" конкурса хаваспах хутшăнать. Çĕнтерỹçĕсем район, республика ша- йĕнчи тупăшусенче хăйсен пултарулăхне кăтартаççĕ. 2015-2016 вĕренỹ çулĕнче, акă, çарпа патриотла клубсем хушшинчи "Зарница", "Орленок" вăйăсенче шкул команди пĕрремĕш вырăна тухма пултарчĕ.
Ачасем "Паттăр" кружока хаваспах çỹреççĕ. Унта пăшала сỹтсе пуçтарма, автомат магазинне пат- ронсем тултарма, ОЗК тăхăнма, пеме вĕренеççĕ.
Ĕçре ЧР çар комиссариачĕн Патăрьел тата Шăмăршă районсен уйрăмĕн ĕçченĕсемпе çыхăнса вăй хуни пĕлтерĕшлĕ. Вĕсемпе тĕл пулусем тăтăш ирттеретпĕр. Выпускниксем шкул хыççăн çар училищисене пĕлỹ пухма çул тытни те çакăнпах çыхăннă-тăр. В. Раськин, А. Бородов _ Сызраньте, В. Скворцов _ Владимир облаçĕнче, А. Мулюков _ Рязаньте, П. Иванов Омск хулисенче офицера тухма тăрăшаççĕ. М. Зотов, Ю. Клочков çакăнта çитнĕскерсем çĕршывăн тĕрлĕ кĕтесĕнче çамрăк салтаксене çар профессийĕсене илме пулăшаççĕ.
Л. Перхиева аслă вожатăй, М. Черновăпа А. Ави- нова социаллă педагогсем йĕркеленипе тăван çĕршывăн Аслă вăрçинче вилнисене асăнса лартнă палăк умĕнче паллă мар салтак кунĕпе çыхăнтарса митинг иртрĕ. М. Чернова унта чуна пырса тивекен сăвă вуларĕ. Пĕр минут шăп тăтăмăр. Салют патăмăр.
Иккĕмĕш пайĕ шкулти линейкăра тăсăлчĕ. Кунта ачасем вăрçă темипе çыхăннă сăвăсем вуларĕç. Каллех М. Черновăпа А. Авинова социаллă педагогсем А. Твардовскийĕн "Я убит над Ржевом" вуланă сăввине чуна пырса тивмелле итлемелле пулчĕ. Çакнашкал мероприятисем çамрăк ăрăва патриотла воспитани парас ĕçре пулăшаççĕ те ĕнтĕ.
В. АНТИПОВ.
Источник: "Авангард" (газета Батыревского района)