25 ноября 2016 г.
Историнче паллă, анчах пĕр вăхăтра манăçа тухнă кадет сăмах çĕнĕрен вăй илчĕ. Çавна май ырă йăла-йĕркене малалла тăсма пулать. Çитĕнекен ăру ун урлă тĕрлĕ енлĕ воспитани илет.
Патăрьелĕнчи пĕрремĕш вăтам шкулта пиллĕкмĕш çул ĕнтĕ кĕçĕннисене кадетсен класне илеççĕ. Пĕрремĕш а-ра вĕренекенсем тăрăшса хатĕр-ленчĕç унта. Кадетсен юхăмĕ çинчен сахал мар калаçу ирттерчĕç, сăвăсемпе юрăсем вĕренчĕç, стройпа утма хăнăхрĕç.
Зал тулли хăна. Чăваш Республикинчи тинĕс-çар флочĕн ветеранĕсен пĕрлешĕвĕн председателĕ В. Крюковский, район администрацийĕн вĕрентỹ, çамрăксен политики, физкультурăпа спорт управленийĕн начальникĕ И. Рубцова, ЧР çар комиссариачĕн Патăрьел тата Шăмăршă районĕсен пайĕн ĕçченĕ А. Шулепов, районти "Морское братство" ветеранĕ- сен канашĕн председателĕ А. Казенов, шкул директорĕ Н. Андреева, кадет класĕсен наставникĕсем Ю. Яковлев, В. Карягин, В. Паймуллин, тинĕс-çар флочĕн ветеранĕсем пурри тата та хавхалантарчĕ.
Вĕренекенсем тăван çĕршыва юратма, кадетсен чысне упрама тупа турĕç. Шкул тата класс ятне çỹлте тытма пулчĕç вĕсем. Вĕренỹре тĕслĕх кăтартма, аслисене хисеплеме, хăйсен пурнăçне панă Раççей Геройĕсен ĕçĕ-хĕлне малалла тăсма шантарчĕç. "Пурте санăн аллунта!" чĕнỹ хавхалантарчĕ вĕсене. 2г, 3б, 4в, 5б классенче вĕренекенсем кĕçĕннисене саламларĕç. Наставниксемпе хăнасем вара пĕрремĕшсене вăйлă, ăслă, ырă кăмăллă çитĕнме сунчĕç.
М. ФЕДОРОВА, класс ертỹçи
Источник: "Авангард" (газета Батыревского района)