27 сентября 2016 г.
Ачасем _ пирĕн пуласлăх Патăрьелĕнчи «Центральный» ача садĕнчи 6 ушкăна 125 ача çỹрет. Вĕсене сывă та тĕреклĕ çитĕнме, тивĕçлĕ воспитани илме ăста специалистсем сахал мар пулăшаççĕ. М. Скворцова, Н. Демьянова, И. Ванина, Л. Николаева воспитательсен ĕç стажĕ 30 çултан та иртет. А. Козлова та çак системăра 20 çул ытла. Алена Анатольевна кăçал вăтам ушкăнри ачасемпе ĕçлет.
_ Çĕнĕ вĕренỹ çулне хатĕрленнине тишкерекен смотр-конкурсра иртнĕ çул «Чи лайăх педагогика коллективĕ», кăçал призер пулнинче коллективри кашни çыннăн тỹпи пурах тетĕп,_ савăнăçне пытараймасть Н. Туктанова ача сачĕн заведующийĕ.
Источник: "Авангард" (газета Батыревского района)