15 июля 2016 г.
110 ача канчĕ Патăрьелĕнчи пĕрремĕш вăтам шкулти "Радуга" çуллахи лагерьте. Вăхăта кашнийĕ хаваслă та усăллă ирттерчĕ унта. Çĕнĕ тус-юлташпа паллашрĕ. Педагогсем ку хутĕн-че урок ыйтмарĕç, пĕлĕве хак памарĕç.
Ачасем 5 отряда уйрăлчĕç: "ГТА", "Звездочки", "Алые паруса", "Непоседы", "Умники и умницы". Вĕсемпе А. Прохорова, С. Сафьянова, Г. Сафина, О. Васильева, О. Александрова талантлă педагогсем юнашар пулчĕç. М. Воронова, Т. Ильина, А. Фролова лагерь вожатăйĕсем куллен зарядка тата тĕрлĕ мероприяти ирттерчĕç. Лагере уçни, флешмоб, романтикăлла çулçỹ- ревсем асра юлаççех.
Тутлă та пахалăхлă апата М. Кирпичева, Ф. Абейдуллова, Г. Сыраева поварсем хатĕрлеççĕ. О. Осипова медицина сестри ачасен сывлăхĕпе интересленсех тăрать. Лагерьти кашни кунăн хăйĕн тематики пур. "Çăкăр" музейра "Хаваслă стартсем" ирттерчĕç. Тупăшура туслăх çĕнтерчĕ.
Физкультура учителĕ В. Портнов (ăста инструктор) "Паттăр" спорт комплексĕн бассейнĕнче кĕтсе илчĕ. Маларах ачасене С. Абейдуллова, Е. Матросова, Л. Евсеева, И. Ялукова, О. Перепелкина, А. Кузнецова, С. Петрова воспитательсем шывра ишни кĕлеткене тĕрĕс çитĕнме май панине, мышцăсене çирĕп- летнине тата ыттине тĕплĕн каласа ăнлантарнăччĕ. Ишме вĕренесси те интереслĕ. Шыв айĕнче сывлăш çавăрса илме те пĕлмелле-çке.
З. Чабатова, А. Майрина, Е. Краснова, Г. Николаева, Н. Кошкина, А. Клементьева воспитательсем ачасене шырав-тĕпчев ĕçĕсене явăçтараççĕ. Хамăр патăрта ỹсекен, пурăнакан выльăхсен "тĕнчине" илсе кĕреççĕ. Лагерьте мĕн-мĕн ирттернине çырса та, каласа та пĕтереймĕн. Унта кашни ача хăйне ирĕклĕ туйса килĕшекен мероприятие явăçать, курăма анлăлатать.
Т. ЯКОВЛЕВА, лагерь начальникĕ
Источник: "Авангард" (газета Батыревского района)