01 июля 2016 г.
Пирĕн районти "Хĕвеллĕ" уçланкăра июнĕн 28-мĕшĕнче республикăри "Зарница" тата "Орленок" вăйăсен финалти ăмăртăвĕсем пуçланчĕç. Вĕсем 5 куна пыраççĕ. Ăмăртăва хутшăнакансене çак ятпа район администраци пуçлăхĕ Р. Се- ливанов, республикăри вĕрентỹ тата çамрăксен политикин министрĕн ĕçĕсене пурнăçлакан С. Петрова, рес- публикăри çар комиссарĕ А. Мокрушин полковник та- та ыттисем саламларĕç. Уява ĕç тата çар ĕçĕсен ветеранĕ- сем хутшăнни те сумлă пулчĕ.
С. Петрова ăмăртусем ăспа вăя тĕрĕсленисĕр пуçне тавçăрулăх, çĕнтерме пултараслăх малта пулмаллине тишкерессине те палăртрĕ. Кашни ача Раççей Федерацийĕпе Чăваш Республикин Гимнĕсене хавхаланса юрлама пĕлнине шута илме сĕнчĕ. Каччăсен вара тивĕçлипех çĕршыв хуралçи ỹссе çитĕнме пултармаллине каларĕ.
"Зарница" тата "Орленок" вăйăсем чăннипех те çитĕнекен ăрăвăн патриотла туйăмĕсене вăратнине палăртрĕ Р. Селиванов. Чылайăшĕ- сем çакăн хыççăн çар профессийĕ- сене суйласа илеççĕ тата Конституци тивĕçне чыслăн пурнăçлаççĕ. "Малашлăх сирĕн алăра. Çавăнпа та сирте хавхалану пултăр, _ терĕ Рудольф Васильевич. Республикăри "Пограничное братство" пĕрлешỹ председателĕ А. Шорников çамрăксене саламларĕ, хастаррисене Хисеп хучĕсемпе чысларĕ.
Республикăра çакнашкал вăйăсем 48-мĕш хут иртеççĕ.
Финалти ăмăртусене районсенчи тапхăрсенче çĕнтернĕ 800 ытла каччăпа хĕр хутшăнать. Пурĕ 80 команда ăмăртать. Пирĕн район чысне вара Патăрьелĕнчи пĕрремĕш, иккĕмĕш вăтам шкулсенче тата агротехникумра вĕренекенсем хỹтĕлеççĕ.
Н. МАЗЯКОВА
Источник: "Авангард" (газета Батыревского района)