13 мая 2016 г.
Ĕç çынна илем кỹрет, теççĕ. Ахальтен мар ĕнтĕ Чă-ваш Республикин Пуçлăхĕ Михаил Игнатьев 2016 çула Ĕç çынни çулталăкĕ тесе палăртрĕ. Районта та хăйсен профессине чунтан парăннисене сума сăвасси йăлара. Çак кунсенче ял хуçалăх предприятийĕсене 10 çул ытла ертсе пынă ертỹçĕсен сăн ỹкерчĕкĕсенчен куçса çỹрекен курав йĕркеленĕ. Ăна Патăрьелĕнче сумлă лару-тăрура майăн пĕрремĕшĕнче уçрĕç. Унпа Кзыл Чишма ял тăрăхĕнче пурăнакансем майăн 11-19-мĕшĕсенче тĕплĕнрех паллашма пултараççĕ. Алманчăра вăл майăн 19-27-мĕшĕсенче, Тутар Сăкăт ял тăрăхĕнче _ майăн 28 _ июнĕн 6-мĕшĕсенче, Сăкăтра _ июнĕн 6-17-мĕшĕсенче, Шăнкăртамра _ июнĕн 17-28-мĕшĕсенче, Нăрваш Шăхалĕнче _ июнĕн 28 _ июлĕн 8-мĕшĕсенче, Çĕньялта июлĕн 8-15-мĕшĕсенче, Турханта _ июлĕн 15-22-мĕшĕсенче, Чементе _ июлĕн 22-29-мĕшĕсенче, Шăхачра _ июлĕн 29 _ августăн 9-мĕшĕсенче, Первомайскинче _ августăн 9-22-мĕшĕсенче, Пашьелĕн- че _ августăн 22-29-мĕшĕсенче, Ишлĕре _ августăн 29 _ сентябрĕн 7-мĕшĕсенче, Пикшикре _ сентябрĕн 7-19-мĕшĕсенче, Тăрăнта сентябрĕн 19-28-мĕшĕсенче, Ыхра Çырминче _ сентябрĕн 28 _ октябрĕн 6-мĕшĕсенче, Патăрьелĕнче _ октябрĕн 6-14-мĕшĕсенче, Çĕнĕ Ахпỹртре октябрĕн 14-21-мĕшĕсенче, Туçа ял тăрăхĕнче октябрĕн 21 _ ноябрĕн 1-мĕшĕсенче ĕçлет. Курав пынă тапхăрта ялти культура çуртĕнче вăй хуракансем концертсем йĕркелеççĕ?
Источник: "Авангард" (газета Батыревского района)