06 мая 2016 г.
Шăпах çак ыйтăва çирĕппĕн хуравлама пултаракансем хутшăннă та Ĕç çынни çулталăкне халалласа йĕркеленĕ "Я горжусь своей профессией" сăн ỹкерчĕксен конкурсне. Ялта тĕрлĕ-рен профессипе ĕçлесе пурăнакансен йышĕнче талантлă та творчество тĕлĕшĕнчен пултаруллă хастарсене тупса палăртас тĕллевпе йĕркеленĕ конкурса оргкомитет виçĕ ушкăнпа пахаланă: производствăра, тивĕçтерỹре тата бюджет сферинче тăрăшакансем.
Пахалăхлă та оригиналлĕ, тарăн сюжетлă кадрсем тăвасси кашни фотографранах "пиçсе" тухманни паллă. Çапах та асăннă конкурс пирĕн хушăмăртах искусство тĕнчинче паллă йĕр тума пултаракан ăстасем пуррине çирĕплетнĕ. Комисси Первомайскинчи Александр Савиновăн, Аслă Чементи Надежда Кошелеван, Патăрьелĕнчи Татьяна Яковлеван творчествине чи-чи ăнăçлă ĕçсем тесе пахаланă.
Источник: "Авангард" (газета Батыревского района)