25 марта 2016 г.
Кăçалхи июлĕн 1-мĕшĕнчен пуçласа августăн 15-мĕшĕччен çĕршывра Пĕтĕм Раççейри ял хуçалăх çыравĕ итртмелле. Çак мероприятие ха- тĕрленесси мĕнлерех пынипе мартăн 22-мĕшĕнче район адмиистрацийĕн Пысăк залĕнче ял тăрăх пуçлăхĕсемпе канашлу пулчĕ. Унта район администраци пуçлăхĕ Р. Селиванов, Чăвашстатăн ял хуçалăх тата çут çанталăк статистикин уйрăмĕн начальникĕ Э. Егорова, Чăвашстатăн Пĕтĕм Раççейри ял хуçалăх çыравĕпе ертсе пыракан ушкăн çумĕн ертỹçи Л. Соколова хутшăнчĕç.
Э. Егорова ял тăрăхĕсенче хуçалăх кĕнекисене йĕркеллĕ çырса пырасси, çыраври тата унти кăтартусем пĕр пек пулмалли пирки каларĕ. Раççейĕпех пыракан мероприяти еплерех иртесси ял тăрăх пуçлăхĕсемпе специалистсенчен, вĕсем халăха çырав пирки тĕплĕн ăнлантарса панинчен нумай килнине палăртрĕ.
_ Пĕтĕм Раççейри ял хуçалăх çыравĕн тĕп тĕллевĕ _ яла, унта пурăнакансене пулăшасси, _ терĕ Э. Егорова.
Çырав ыйтăвĕпе ĕçлекен районти уполномоченнăй М. Абдуллин Юхмапа Пăла тăрăхĕн- чи лару-тăрупа паллаштарчĕ. Унтан вăл яваплă тата лайăх пĕлỹллĕ çыравçăсем кирлине пĕлтерчĕ.
Канашлура район администраци пуçлăхĕн çумĕ, çĕр, экономика тата пурлăх хутшăнăвĕсен пай начальникĕ Л. Кузнецов та сăмах илчĕ. Вăл çĕр пайĕсене регистрацилесси паяна еплерех пыни пирки чарăнса тăчĕ. Çавăн пекех ял тăрăх пуçлăхĕсем те хăйсене хумхантаракан ыйтусене хускатрĕç.
Çыравçăсене пĕлсе тăма Кăçал
Пĕтĕм Раççейри ял хуçалăх çыравне ирттерме республикăра 565 çыравçăна явăçтарма палăртнă. Вĕсене валли Росстат 255 планшет уйăрса парать. Кăçалхи ял хуçалăх çыра вĕнче çыравçăсем информацие тỹрех планшета кĕртсе электрон документ хатĕрлеме пултараççĕ е ăна ятарлă хут çине çырсассăн та юрать.
Н. МАЗЯКОВА
Источник: "Авангард" (газета Батыревского района)