15 марта 2016 г.
Чăваш Республикин министрсен кабинечĕн Председателĕн хушăвĕпе килĕшỹллĕн Патăрьелĕнчи иккĕмĕш вăтам шкулта гражданла оборонăна халалласа инкек-синкек пулăмĕсенчен сыхланмалли мероприятисем ирттерчĕç. Маларах класс сехечĕсенче хăрушлăхран епле асăрханмалли, пушара хирĕç кĕрешмелли, çунакан пỹлĕмрен хăтăлмалли майсене пăхса тухнăччĕ.
Кĕçĕн классене противогазпа тĕрĕс усă курмаллине кăтарнăччĕ. А. Софронов йĕркеленĕ пушар инкекĕпе çыхăннă ỹкерчĕксем те ачасене чылай кирлине пачĕç. Аслăраххисем сĕрĕм тивнĕ çынна вĕрентỹ макечĕ çинче пулăшу пама пултарчĕç.
Вĕрентỹ "пушарĕ" пулчĕ. Çулăм кĕçĕн классен коридо- рĕнче тухнă-мĕн. Çийĕнчех пушар хуралне шăнкăравларăмăр. Ачасене стадиона кăларма пултартăмăр. Пурте инкекрен тĕрĕс-тĕкел хăтăлни çинчен шкул директорне пĕлтертĕмĕр.
Ун хыççăн 8-11 классенче вĕренекенсем Чернобыльти атомла электростанцинчи аварие сирме хутшăннă çĕрте пулнă П. Думилинпа, райадминистрацин ятарлă программăсен секторĕн заведуюшийĕ Г. Каллинпа, пушар хуралĕн дознавателĕпе В. Даниловпа тĕлпулу йĕркелерĕç.
7-11 классем хушшинчи мероприяти те усăллă пулчĕ. Вĕренекенсем ыйтусем çине хуравларĕç, противогазсем тăхăнчĕç, тĕрлĕ конкурсра тупăшрĕç. Пĕрремĕш вырăна 8а тухма пу
лтарчĕ. Аслă классенчен 11г палăрчĕ. Уйрăмах К. Арланов, К. Каллина, А. Поляков, К. Соколова, В. Егорова тата ыттисем те анлă хуравсем пачĕç. В. АНТИПОВ
Источник: "Авангард" (газета Батыревского района)