27 февраля 2016 г.
ТĂВАН çĕршыв хỹтĕлевçисен кунĕ районта спорт ăмăртăвĕсемпе çеç мар, культура мероприяти- йĕсемпе те пуян иртнĕ. Акă, çак кунхине Патăрьелĕн- чи Культура çуртне хамăр тăрăхра пурăнакан чи-чи матур арсен пултарулăхне хак парас тĕллевпе шоу-конкурса йышлă халăх пуçтарăннă. Тỹре членĕсем çамрăк аш- шĕсемпе студентсен сцена çинчи ăсталăхне ултă тĕрлĕ енпе хак панă. Арçынсемшĕн чи кăткăсси те йывăрри чылай чухнехиллех хĕрачан çỹçне капăр çивĕтлесси тата çемье валли апат хатĕрлесси пулнă. Ыттисене çамрăксем çăмăллăнах парăнтарнă.
Творчество тупăшăвĕнче "2016 çул хỹтĕлевçи" хисеплĕ ята Николай Пласкин предприниматель çĕнсе илнĕ. Конкурса хутшăннă ытти хастарсен валли те тивĕçлĕ ятсем тупăннă: Патăрьелĕнчи агропромышленность техникумĕн студенчĕсем Рафис Валиуллов- па Ярослав Логинов _ хăюллă тата вăйлă каччăсем, Алманчăри Сергей Никитинпа Анат Туçари Алексей Торговцев культура ĕçченĕсем паттăр аттепе пултаруллă каччă пулнине куракансене ĕнентернĕ.
Источник: "Авангард" (газета Батыревского района)