Публикации » Çемье бюджетне перекетлеме те май пур

20 февраля 2016 г.

КĂÇАЛХИ январĕн пĕрремĕш кунĕнчен пуçласа çул çинчи йĕркене пăснăшăн штраф тỹлемелли саккуна улшăнусем кĕртнĕ. Çĕнĕлĕхсем администраци яваплăхĕпе айăплакансене пырса тивеççĕ. Çакăн пирки çула тухакан водительсене районти ГИБДД уйрăмĕн начальникĕ Александр Петров тепĕр хут аса илтерет. Енчен те водитель çак сăлтавпа çул-йĕр правилине пăснă хыççăн палăртнă штрафа постановлени тухнă хыççăн 20 кун иртиччен парса татсан _ çемье бюджетне перекетлеме, хисепĕн çуррине кăна тỹлеме пултарать. Анчах çакна та çамка çине картса хумалла: руль умне ỹсĕрле ларсан е тата алкоголь тĕлĕшпе тĕрĕслев тума килĕшмесен, çул çинче авари туса çак сăлтавпа çынсен сывлăхне сиенлесен _ унчченхиллех саккунпа килĕ- шỹллĕн укçа кăларса хума тивет. Урăхла каласан нимĕнле çăмăллăх та пулмĕ, укçи-тенки те перекетленмĕ.

Источник: "Авангард" (газета Батыревского района)