Публикации » Ĕç çынни çулталăкне халалланă

06 февраля 2016 г.

Патăрьелĕнчи иккĕмĕш вăтам шкул ачисен сăввисем

Ĕçлеме ан ỹркен К

укамай картишĕнче

Сенĕк, калак, кĕрепле

_ Пурте пур-çке ĕçлеме.

Кĕреçе те курăнать,

Матикĕ те тупăнать.

Тăрăшнă чух парникре

Витре кирлĕ шăварма.

Помидорсем татнă чух

Карçынккасăр май та çук.

Çĕр улми кăларнă чух

Калекрен кирли те çук.

Утă, улăм кĕртнĕ чух

Сенĕкрен ырри те çук.

Кукамайăн пурте пур,

Ĕненмесен килсе кур.

Алексей Федотов, 8а.

Ĕç хатĕрĕсем

Тырă вырнă çурлапа,

Утă çулнă çавапа,

Çум çумланă алăпа,

Тепĕр чух матикĕпе.

Халĕ вара çĕр ĕçне

Хир карапĕпе пĕрле

Трактор тата машина,

Мотоблок тата косилка

Çĕр-çĕр лаша вырăнне

Пурнăçлаççĕ тĕнчипе.

Пирĕн те, шкул ачисен,

Кĕнекере çуккине

Компьютер тупса парать.

Ручкăсăрах çыртарать,

Ластиксăрах тасатать.

Ĕçлеме кăна вĕрен,

Шырамашкăн ан ỹркен.

Екатерина Сафьянова, 8а.

Юратнă асанне А

санне ирех тăрать,

Унăн ĕçĕ тупăнать.

Качакине сумалла,

Чăхсене те памалла.

Мăнуксемшĕн тăрăшать,

Кукăль пĕçерсе хурать.

Пĕрре те ахаль лармасть.

Юрататпăр пур чунтан,

Тав тăватпăр кăмăлтан.

Диана Колосова, 8 а.

Юр тасататăп

Тухрăм эпĕ урама,

Хамăр ума тасатма.

Тытрăм алла кĕреçе,

Тултартăм çуна çине,

Кайса тăкрăм инçете.

Атте епле савăнать,

Анне тата мухтанать,

Асанне пуçран шăлать: -

Çапла тăрăшса ĕçле,

Намăс курмăн ĕмĕрне.

Гаврилов Владимир, 5б

Ĕçре

Юлташсем манăн ĕçлеççĕ

Уй-хирте те, пахчара.

Кĕр çитсессĕн вĕренеççĕ

Çанă тавăрса шкулта.

Манăн маттур тусăмсем

Пур ĕçре те пит хастар.

Ĕçлеме те вĕренме

Пултараççĕ ним те мар.

А. Дмитриева, (3а кл.)

Источник: "Авангард" (газета Батыревского района)