27 января 2016 г.
Патăрьелĕнчи культура учрежденийĕн ĕçченĕ-сем район администрацийĕн пуçлăхĕн йышăнăвĕпе килĕшỹллĕн ят панă Сывлăх кунне сарăмсăр та пĕр йĕрсĕр ирттерсе яман. Иртнĕ эрнекун, январĕн 22-мĕшĕнче, сцена ăстисем, вулавăш ĕçченĕсемпе "Çăкăр" музейăн хастарĕсем кăнтăрлахи апат вăхăтĕнчех йĕлме йĕлтĕр çине тăнă та район центрĕнчи "Паттăр" стадионта çаврăм хыççăн çаврăм тунă. Çак ушкăнта вара çамрăксемпе юнашарах хи- сеплĕ ватăсем те пулни пушшех те кăмăллă. Ахальтен мар ĕнтĕ район администрацийĕн ĕçченĕ Полина Логунова сывлăха çирĕплетмелли çакнашкал кунсем пĕрремĕш те юлашки пулманнине палăртса пурне те хурçă пек çирĕп сывлăх, пысăк хастарлăх, çĕнĕ çитĕнỹсем суннă.
Спорт уявĕ пурин кăмăлне те кайни вара çакнашкал мероприятисем паянхи кун вырăнлă та, кирлĕ те пулнине тепĕр хут çирĕплеççĕ. Культура ĕçченĕсенчен эстафета патаккине ытти коллективсем те илме пултараççĕ.
Источник: "Авангард" (газета Батыревского района)