26 декабря 2015 г.
Çĕнĕ çулпа Раштав уявĕсем çитиччен шутлă кунсем çеç юлчĕç. Ăçта, мĕн курса киленме, мĕнле канма пулать-ха уяв кунĕсенче? Чăваш Енре пурăнакансем тата хăнасем валли республикăра "Чă-ваш Енре канма вăхăт" ятпа ятарлă портал хута янă. (www.новыйгод21.рф).
Асăннă портал тĕрлĕ информаципе пуян. Çĕнĕ çул уявне йĕркелекен учрежденисен,
конькипе ярăнса киленме май паракан пур стадионсен адресĕсене, ĕç вăхăтне те палăртнă. Кунта кану кунĕсем валли мĕн пур информаци çителĕклĕ. Çĕнĕ çулпа Раштав уявĕсенче районта та культура, спорт мероприятийĕсем нумай иртĕç. Урăхла каласан, уява мĕнле кăмăлпа йĕркелесси пĕтĕмпех хамăртан килет. Маларах асăннă портала кĕрсе информаципе паллашăр, хамăрăн канăва пурте пĕлсе йĕркелер!
Источник: "Авангард" (газета Батыревского района)