Публикации » "Авангард" юбилее хатĕрленет

12 декабря 2015 г.

2016 çулхи февралĕн 8-мĕ- шĕнче эпир те районта тухса тăракан "Авангард" хаçатăн 85 çулне паллă тума ĕмĕтленетпĕр. Район пичечĕ саманан тĕрлĕ тапхăрĕнче пурăнчĕ. Шывра та путмарĕ, вутра та çунмарĕ вăл. Халăха тăшманпа кĕрешме, юхăннă хуçалăхсене ура çине тăма пулăшрĕ. Ял çыннин ыйтăвне мала хурса мĕн пур ырă малашлăхшăн ĕмĕтленсе пурăнма хавхалантарса пычĕ. Хаçатпа пĕр тантăшлисем те пурăнаççĕ-ха пирĕн хушăмăрта. Вĕсенчен кĕçĕннисен "çарĕ" вара йышлăрах. Уявччен шутлă кунсем çеç юлаççĕ. Айтăр аса илỹсен рубрикине уçар. Сирĕн çырăвăрсене, шăнкăравăрсене кĕтетпĕр. Ырă сĕнĕвĕрсем те ĕçре пулăшу кỹрессе шанас килет.

Хаçат редакцийĕ

Источник: "Авангард" (газета Батыревского района)