28 ноября 2015 г.
28 ноября 2015 г.
ÇАК кунсенче республикăри следстви управленийĕн Патăрьелĕнче вырнаçнă районсем хушшинчи следстви пайĕ районсем хушшинчи судпа медицина экспертизин уйрăмĕн заведующийĕ ячĕпе уголовлă ĕç пуçарнă. Ăна РФ УКăн 290 статйин 3 пайĕпе (взятка илни) преступлени тунă тесе айăпласшăн. Следстви версийĕпе тухтăр нумай пулмасть çеç пĕр хĕрарăмран унăн судпа медицина экспертизине ăна майлă туса паратăп, унăн çул çинче пулнă аваринчи ĕçне çăмăллатăп, шар куракан вăтам шайри суран çеç илнĕ тесе çырăп тесе 70 пин тенкĕ взятка илнĕ. Çапла вара вăлах эксперт пĕтĕмлетĕвĕ хĕрарăма уголовлă яваплăхран хăтарассине те шантарнă... Анчах ĕç-пуç вара урăхла çаврăнса тухнă.
Районсем хушшинчи следстви пайĕн информацийĕнчен çакă паллă: хальхи вăхăтра хура ĕçпе çыхăннă çын килти арестра, çак ĕçе малалла тĕпчеме республикăри следстви комитечĕн следстви управленийĕн питĕ пысăк пĕлтерĕшлĕ ĕçсемпе тимлекен пĕрремĕш уйрăмне панă.
Источник: "Авангард" (газета Батыревского района)