18 ноября 2015 г.
Çак кунсенче район администраци çумĕнчи çул çитмен ачасен правине хỹтĕлекен комисси "Ачасем тата çемье" акцине хутшăнса Туçа тата Патăрьел ял тăрăхĕсенче пурăнакан йывăр шăпаллă, нумай ачаллă çемьесенче пулнă.
Рейд тĕллевĕ _ профилактика шутĕнче тăракан çул çитмен ачасемпе тĕл пулса калаçу ирттересси, вĕсем пурăнакан çемье условийĕсене тĕпчесси.
Тĕрĕслевпе тĕпчев çакна та çирĕплетсе панă: вырăнсенче пулас амăшĕсем участоксенчи акушер-гинеколог патне вăхăтра çỹремеççĕ, хăйсен сывлăхĕ тĕлĕшпе тĕрĕслев ирттермеççĕ. Çакă вара пулас ача сывлăхĕпе çыхăннă.
Рейд вăхăтĕнче комисси членĕсем нумай пулмасть çемьене хутшăннă пилĕк ача амăшĕн килĕнче пулнă (çемье тулли мар), унăн шкул çулне çитмен пепкисене ача садне вырнаçтарма, ытти социаллă çăмăллăхсемпе усă курма май туса панă.
Хамăр корр.
Источник: "Авангард" (газета Батыревского района)