Публикации » Çĕрмĕш мăшăр: пĕлтĕр _ Вăтаелĕнчен, кăçал _ Патăрьелĕнчен

17 июня 2015 г.

 РАÇÇЕЙ кунĕ тата районти акатуй-сабантуй уявĕ умĕн Юхмапа Пăла тăрăхĕнче паллă пулăмсем сахал мар çырăнчĕç. Вĕсенчен пĕри _ ЗАГС пайĕнче кăçалхи çĕрмĕш çемьене регистрацилесе саккунлă мăшăр пулнине ĕнентерекен свидетельствăна парнелени. Юбилейлă çырав актне кĕнĕ хушаматсем кăçал Патăрьелĕнчен. Мендельсон маршĕпе мăнаçлăн утса кĕрекенсем _ Виталийпе Анжелика Степановсем. Пĕлтĕр вара çырăнтару керменĕн истори страницинче паллă хăварнă мăшăр Вăтаелĕнчи Денис Николаевичпа Ольга Сергеевна Леонтьевсем пулнă. Вĕсем те çак уяв кунĕсенчех туй-çуй кĕрлеттернĕ.

Источник: "Авангард" (газета Батыревского района)