Публикации » Ту-ут! Таптанатăн вĕт, асту!

03 июня 2015 г.

ПАТĂРЬЕЛĔНЧИ Мичурин урамĕнчи çатма пек çулпа вĕçтерсе пыракан водительсем тепĕр чухне руль çинчи сигналне пусса та ĕлкĕреймĕç. Ирхине тата каç енне кунта тăршшĕпе халăх утать. Ун пек чухне вара çын çине пырса кĕресси е ăна çапса хăварасси те çавăнтах. Çак çул çинчи куçăм питĕ хăрушă. Кунта икĕ пысăк ясли-сад выранаçнă, спорт комплексне çуран утакансем те пайтах. Çакна пăхмасăрах çăмăл автомашинăсем ши-и! шăхăрса çеç иртсе каяççĕ, ачасене е иртен-çỹрене инкек кỹме пултарасси пирки те шутламаççĕ темелле. Çапла тума вĕсене çак çул çинче услови те май парать: кунта выртакан пĕр "полицейски" те çук. Çакăн пирки пăшăрханса çырнă та амăшĕсем редакцине янă çырура. Инкек пулсан çеç хыпаланни пушар хыççăн шыв илсе килнипе танах. Çыру авторĕсем хăйсен чун ыратăвне кирлĕ çынсем туясса шанаççĕ.

Источник: "Авангард" (газета Батыревского района)