Публикации » Унăн сăвви кĕвĕленсе шăрçаланать…

22 апреля 2015 г.

Патăрьелĕнчи иккĕмĕш вăтам шкулта ачасене чăваш чĕлхипе литературин вăрттăнлăхне вĕрентекен, хамăрăн халăхăмăрăн культурине ăша хывма пулăшакан çак учительницăн пултарулăхне районти ĕçтешĕсем лайăх пĕлеççĕ. Галина Фирсовна Хлебникован сăввисене хаçат вулаканĕсем те пĕрре мар хак пама пултарнă. Унăн йĕркисем ахаль çеç мар, кĕвĕленсе шăрçаланаççĕ. Сăмах ăсти ку таранччен тăватă кĕнеке пичетлесе кăларнă. Юлашкине учительница Патăрьел тăрăхĕнчи халăх юрри-кĕввисемпе çыхăнтарнă. Кунта вара вăл хăйĕн вĕренекенĕсемпе пуçтарнă фольклор материалĕсене кĕртнĕ. Вăрнар чиперккин пархатарлă ĕçне хальлĕхе пирĕн тăрăхра пысăк хак памалли лару-тăру пулман-ха. Анчах та çак кунсенче вара унăн тăван район ентешлĕхĕ учительницăна Иван Ивник премине парса чыс тунă. Чăваш Енре малалла тăсăлакан Константин Иванов çулталăкĕнче çакăн пек пысăк ята тивĕçни вĕрентекен творчество каçалăкĕнче сулмаклă ỹсĕмсем тунине тепĕр хут çирĕплетет.

Источник: "Авангард" (газета Батыревского района)