25 марта 2015 г.
ИРТНĔ эрнекун тăр кăнтăрлах Патăрьелĕнчи Ленин проспектĕнчи 53 çурт çывăхĕнчи сарайсенчен пушар тухнă. Пĕрин çумĕнче тепри юнашарах ларакан хуралтăсем черетпе тенĕ евĕр вут серепине çакланса юрăхсăра тухнă. Кучухне сарайсенче ĕлĕкхи евĕр кайăк-кĕшĕкпе ытти выльăх-чĕрлĕх усракансем çук, паллах. Анчах та хваттерсенче пурăнакансен кил-тĕрешре тытман, усă курман япаласем чылайăшĕн вĕсенче упраççĕ.
Районти пушар надзорĕнчен пĕлтернĕ тăрăх хальлĕхе инкекĕн вĕçне-хĕрне тухса пĕтеймен-ха, анализсем экспертизăран пĕр эрнерен çеç килеççĕ-мĕн. Инкек вара чикарккă тĕпĕнчен амаланса кайнă текен верси те пур.
Источник: "Авангард" (газета Батыревского района)