11 февраля 2015 г.
Патăрьелĕнчи иккĕмĕш вăтам шкулта кунти выпускникпа, халĕ Раççейри халăхсен туслăхĕн университетĕнче вĕренекен А. Табаковпа тĕл пулу иртрĕ. Саша хăйĕнчен кĕçĕнрехскерсем патне пĕччен те килмен. Германинчи Карлос-Кристиан Альварадо-Мутманн тата Танзанинчи Хасан Маганга чăваш çĕрĕ çине килме кăмăл тунă.
Хăнасем Патăрьел, Чăваш Ен, Раççей çинчен хăйсен шухăш-кăмăлĕсене пĕлтерчĕç. Çуралса ỹснĕ çĕр-шывĕсемпе паллаштарчĕç. Ачасене интереслентерекен ыйтусем çине хуравларĕç.
Хăнасене ачасем чăваш шкулĕнче пĕлỹ пухни килĕшрĕ. Вĕренекенсем вара студентсен пурнăçĕпе те паллашма пултарчĕç. Саша ытти предметсемпе пĕрлех акăлчан чĕлхине çине тăрса алла илмеллине каларĕ. Тĕл пулу пурин кăмăлне те кайрĕ.
В. АНТИПОВ
Источник: "Авангард" (газета Батыревского района)