Публикации » Хураçкасем мар, хуçисем айăплă

20 сентября 2014 г.

ÇĔНĔ вĕренỹ çулĕ пуçланнăранпа 20 кун çитрĕ. Кашни ир ятарлă форма тăхăннă вĕренекенсем пĕлỹ илме васканине пăхма кăмăллă. Анчах та иртнĕ ытлари кун Патăрьелĕнчи пĕрремĕш вăтам шкул умĕнче пăру пысăккăш йытă 2-мĕш класс ачи çине тапăннă. Пĕчăк шăпăрланăн мĕнле сехри хăпман-ши? Юрать-ха, çулпа иртсе пыракан хĕр арăм анчăка хăваласа янă. Унсăрăн ачана кукăр хỹре çыртма е çурса тăкма та пултарнă. Хуçасăр йытăсем ушкăнпа çапкаланса çỹренине райцентрта тăтăшах курма пулать. Вĕсене усрама никама та чармаççĕ. Анчах та чĕр-чуна сăнчăрта тытмаллине манакан чылай. Куншăн вара административлă майпа явап та тыттараççĕ

Источник: "Авангард" (газета Батыревского района)