06 сентября 2014 г.
Сентябрĕн 3-мĕшĕнче _ Терроризмпа кĕрешекенсен пĕрлĕх кунĕ иртрĕ. Çак кун пирĕн çĕр-шывра террорла актсенче вилнĕ çар çыннисене, право хуралĕн органĕсен сотрудникĕсене, тыткăна лексе ĕмĕрлĕхе куçĕсене хупнисене асăнса пуç таяççĕ.
Пĕрлĕх кунне халалласа Патăрьелĕнчи 2-мĕш вăтам шкулта "Терроризма çул çук!" акци иртнĕ. Унта районти пушар чаçĕн ертỹçин çумĕ Станислав Андреев тата Владимир Давыдов хутшăннă. Вĕсем вĕренекенсене Бесланра 10 çул каялла пулнă инкеке аса илтернĕ. Хăрушлăх сиксе тухас пулсан унран сыхланмалли мелсене ачасем еплерех пĕлнине тĕрĕсленĕ. Вĕренекенсем тунă çитменлĕхсем, йăнăшсем пирки тепĕр хут ăнлантарса панă. Пĕтĕмĕшле илсен хăрушсăрлăх вĕрентĕвĕ аван иртнĕ.
Источник: "Авангард" (газета Батыревского района)