03 сентября 2014 г.
Патăрьелĕнчи пĕрремĕш вăтам шкултан кăçалхи вĕренỹ çулĕнче 53 ача вĕренсе тухса алла аттестат илчĕç. Вĕсенчен вун иккĕшĕ вĕрентỹ планне пурнăçласа медальлĕ те пулчĕç. Тивĕçлĕ ăс пухни каччăсемпе хĕрсен малашлăх çулне те уçрĕ. Вĕсенчен 96 проценчĕ пĕлĕвне малалла тăсма шут тытрĕ. Ачасен 67 проценчĕ аслă шкулсенче тỹлевсĕр вĕренеççĕ. 6 ача техникумсене кĕнĕ. 2 выпускник ĕçе вырнаçнă.
Мускав, Владивосток, Хусан, Пăва тата ытти хуласене вĕренме кĕнисем пур. Чĕлхе Киева илсе çитерет тесе ахальтен каламаççĕ-çке. Педагогсене акă мĕн савăнтарать _ 13 ача медицина факультечĕсене вĕренме кĕнĕ. Унăн студенчĕ пулма, унта ăс пухма та çăмăл мар. Çавах хăратмасть çакă ачасене. Мĕншĕн тесен вĕсем пуçламăш тата ун хыççăнхи пĕлỹ никĕсĕсене çирĕп хунă.
И. ТЕРЕНТЬЕВА
Источник: "Авангард" (газета Батыревского района)