23 августа 2014 г.
ПАТĂРЬЕЛĔНЧИ пĕрремĕш вăтам шкул коллективĕ республика шайĕнче çеç мар, Раççей пĕлтерĕшлĕ конкурссене хутшăнса та малти вырăнсене çĕнсе илет, тĕрлĕрен чыс-хисепе тивĕçет. Вĕрентỹ программисенче ку чухнехи çĕнĕлĕхсемпе усă курса 2008 çулта 1 миллионлăх, 2010 çулта 250 пинлĕх грантсен çĕнтерỹçисем пулнă. Ку тĕлĕшпе творчество коллективĕшĕн кăçалхи вĕренỹ çулталăкĕ те ăнăçлисен шутнех кĕнĕ. Вĕрентỹре инноваци программипе ăнăçлă та тухăçлă усă курнăшăн Патăрьелĕнчи пĕрремĕш вăтам шкул каллех республикăра палăрнă, хальхинче 200 пин тенкĕ выляса илнĕ. Юбилей çулталăкĕнче çĕнсе илнĕ укçана ачасен сывлăхне çирĕплетме, спорт инвентарĕсем туянма ярасшăн.
Источник: "Авангард" (газета Батыревского района)