12 апреля 2014 г.
ÇАК кунсенче республикăра çамрăксен "Умник _ 2014" наука инноваци конкурсĕ иртнĕ. Унта 24 аслă шкултан 66 автор ĕçĕсене тăратнă. Тупăшăва чи вăйлă организацисемпе предприятисем те хутшăннă.
Эксперт комиссийĕн йышăнăвĕпе килĕшỹллĕн çĕнтерỹçĕсене дипломсем тата 200 пин грант парса чыс тунă. Ăс-хакăл тĕлĕшĕнчен творчествине тỹре пысăка хурса хакланă çирĕм студент хушшинче пирĕн район хастарĕ, Шупашкарти политехника институчĕн студенчĕ Олег Тупикин та пур. Çамрăк инноватор _ Патăрьелĕнчи пĕрремĕш вăтам шкул выпускникĕ. Çавăнпа та çитĕнỹшĕн ашшĕ-амăшпе пĕрлех Олегшăн унăн вĕрентекенĕсем те хĕпĕртеме, ăна малашнехи пултарулăх ĕçĕнче ăнăçу сунма пултараççĕ.
Источник: "Авангард" (газета Батыревского района)